SITUS BUDAYA PATOK PRANTI NALENI KAPAL

SITUS BUDAYA PATOK PRANTI NALENI KAPAL

Waosan

Satunggaling tinggalan sejarah mangrupa patok kayu, teng pinggir tanggul lepen Cimanuk tepate teng sisi kulon utawi sawingkingipun Masjid Agung Indramayu, taksih saged ditingal nancep lan wutuh njegeger, dados saksi bisu ingkang nyakseni yen rikala zaman sengen lepen Cimanuk dilintangi kapal-kapal ageng ngantos nglintangi tengah kota Indramayu.

Kawontenan patok kayu niku satunggaling ingkang taksih kuat ngantos dumugi saniki pramila saged ngengetaken kula sedaya, yen patok niku ngrupiaken piranti nangcang kapal sing madeg sepinggiripun lepen Cimanuk supados anteng.

Jalaran menurut sejarah/babad Dermayu negesaken yen lepen Cimanuk ingkang nyigar kota Indramayu sengen dipun engge layaran kapal utawi perau mbakta uwos. Buktinipun ingkang nguataken nggih niku dipun tunjang kaliyan kawontenanipun gudang-gudang, nanging seniki sampun dados wangunan tuwa.

Caket patok wau nggih niku wonten kreteg, teng zaman rumiyinipun keceluk sebatanipun kreteg sorog utawi gantung, keranten kreteg niku saged dipun buka sementawis kapal utawi perau ageng sami lintang. Rikala zaman penjajahan niku dipun rusak.

Tiyang-tiyang sepuh taksih nyebataken kreteg teng tengah kota Indramayu kelawan sebutan kreteg gantung. Kula sedaya ingkang ngerupiaken generasi seniki kedah saged ngrumat tinggalan leluhur.

Selain patok niku, wonten uga tinggaln-tinggalan wong bengen, ning Indramayu kedelenge masih bisa kita sakseni kaya dene bangunan tua sepinggire kali Cimanuk sing ngliwati kota Indramayu. Uga ning sejabane wewengkon Indramayu bab tinggalan wong bengen masih bisa kita deleng. Kaya dene Tugu Monumen Nasional Jakarta, Watu tinulis sing ana ning Bogor, Borobudur sing ana ning Yogyakarta lan sejen sejen e.

Miturut sejarah keranten wontene patok kanggo nancang kapal mau, jalaran bengene kota Indramayu ngrupiaken kota Pelabuhan Laut utawa Syahbandar. Buktine ana aran tempat ora adoh bari kota Indramayu, yaiku : Blok Kongsi, desa Pabean Udik, desa Pabean Ilir. Aran-aran iki ngengataken kita perkawis urusan syahbandar.

Cerita niki dipun pendet saking Buku Widya Basa Indramayu Kangge Sekolah Dasar/Madrasah Ibtidaiyah Kelas IV Adhedasar Paugeran Kurikulum Muatan Lokal 2004 teng wewengkon Provinsi Jawa Barat Kabupaten Indramayu, penulis Tatang Sutandi, Durohkhim, S.Pd. lan Sulistijo, Penerbit DHS Indonesia, Wulangan 6 Halaman 33-34.