RADEN GATOTKACA DIPUN GODOG ING KAWAH CANDRADIMUKA

RADEN GATOTKACA DIPUN GODOG ING KAWAH CANDRADIMUKA

Cerita niki kelebet cerita Pewayangan.

Kacaritaaken Prabu Kala Pracona nggadahi panyuwunan. Sang Prabu wau wujudipun Denawa utawa Raksasa ingkang sakti mandraguna. Para Dewa ing kahyangan sami keweden anggenipun bade nolak panyuwunipun Denawa niku. Manut pamawasipun Hyang Giri Nata mung Cuma Bambang Tutuka ingkang saged ngunduraken Prabu Kala Pracona.

Ingkang kautus tumeka dating Marcapada perlu mendet jabang bayi Bambang tutuka ingkang mboten sanes malih nggih niku Raden Gatotkaca ngrupiaken kebayaning dewa Batara Narada Werkudara mangu-mangu bade maringaken ingkang putra. Tentu bade pralaya dipun mangsa dening Kala Pracona. Nanging gandeng dawuhipun dewa, teras dipun paringaken. Raden Gatotkaca dening Hyang Narada teras dipun bakta minggah dating Jonggringseloka, kedawuhan mengsah kaliyan Prabu Kala Pracona.

Perang tanding niku dipun pirsani ugi dening para dewa saking ketebihan. Nyatanipun Raden Gatotkaca dipun remah-remah dimangsa Prabu Kala Pracona ngantos ajur lebur tur pejah. Para dewa ingkang mirsani yudha niku ngraos ketempuhan. Lajeng Batara Guru dawuh yen cuwilan-cuwilan remukanipun jasad Raden Gatotkaca dipun kempalaken.

Sesampunipun saged dipun kempalaken lajeng dijeburaken teng Kawah Candradimuka. Raden Gatotkaca dipun Godog, supados badanipun jabang bayi Raden Gatotkaca saya sentosa rehning kedamel saking wesi ingkang kuwat. Ujud badanipun Raden Gatotkaca pulih lan dipun tetesi toya kegesangan kacarita Raden Gatotkaca gesang malih.

Rehning kedamel saking sewaernaning dedamel sarta ajian ngawujud ngraga teng badanipun Raden Gatotkaca andadosaken wuleding kulit, miturut paribasan otot kawat balung wesi. Badan Raden Gatotkaca ora tedas tapak paluning pande.

Raden Gatotkaca kedawuhan supados maju malih perang tanding nglawan Prabu Kala Pracona, enggale cariyosan Prabu Kala Pracona saged dipun pejahaken dening Raden Gatotkaca, pungkasipun Raden Gatotkaca dados pahlawaning dewa.

Gambaran cariyosan pewayangan niki dipun maknani yen siswa sekolah selebeting nglakoni golet kaweruh teng sekolah utawi pamulangan, supados nggadahi kekuatan malah saya sentosa lan wuled. Sira kabeh mugiya dados pahlawaning keluwarga ingkang dipun banggakaken. Sing temenan enggone golet elmu.

"Cerita niki dipun pendet saking Buku Widya Basa Indramayu Kangge Sekolah Dasar/Madrasah Ibtidaiyah Kelas IV Adhedasar Paugeran Kurikulum Muatan Lokal 2004 teng wewengkon Provinsi Jawa Barat Kabupaten Indramayu, penulis Tatang Sutandi, Durohkhim, S.Pd. lan Sulistijo, Penerbit DHS Indonesia, Wulangan 10 Halaman 54-55".